يا هلا وغلا! في مشروع فيلا عرض مسكان الملقا حبّينا نعرض لك كيف حوّلنا مساحة مفتوحة في الدور الثاني من مكان عادي إلى مساحة ممتعة ومميّزة. بنشاركك صور قبل وبعد عشان تشوف بنفسك كيف تطوّرت الفكرة واستفدنا من كل زاوية لإضافة طاولة بلياردو وجلسة عائلية. النتيجة؟ منطقة تنبض بالحياة والتفاصيل اللي تعبّر عن شخصية البيت وتضفي جو مختلف تمامًا.

مراحل العمل

 أوّل خطوة بدأنا فيها هي توزيع ثنائي الأبعاد للمساحة، درسنا وين نحط منطقة الجلسة مع التلفزيون وطاولة البلياردو بحيث يصير كل ركن واضح وما يصير تكدّس. بعدها صمّمنا الديكورات الجدارية، حرصنا تكون بسيطة وتكمل جو الفخامة في نفس الوقت.

التوزيع

 قسّمنا المساحة باستخدام حاجز التلفزيون، واللي صار عنصر ديكوري ووظيفي بنفس الوقت. بحيث الجلسة تصير واضحة حول التلفزيون، وطاولة البلياردو تنحط في الجهة الثانية. هالشي عطى انطباع بفصل بسيط بين منطقة اللعب والترفيه، ومنطقة الاسترخاء والمتابعة.

نمط التصميم

 اخترنا نمط معاصر يوحي بفخامة هادئة، ويجمع بين لمسات خشبية وألوان محايدة. حرصنا يكون التصميم بعيد عن الزحمة، ويعطي إحساس بأن المساحة وسيعة ومفتوحة.

عشان نعطي المساحة لمسة فنية وجمالية، أضفنا خزانة برفوف ديكوريه للعرض، حطينا فيها تحف تلهمك وأنت قاعد تناظرها. وما وقفنا هنا، لقينا إن اللوحات المناسبة ممكن تعزّز هوية المكان، فاخترنا صور مستوحاة من أفلام فيها مشاهد بلياردو، ربطنا فيها روح اللعب والأناقة بشكل ممتع.

الألوان

 ركزنا على لوحة ألوان هادية من الرمادي الفاتح والبيج ولمسات بسيطة من اللون البرتقالي، لمسات ديكوريه على بعض الجدران والحوائط، وأضفنا عناوين لونية بسيطة في الإكسسوارات والديكور للتناسق الجمالي. النتيجة: تناغم جذاب يخلي كل زاوية تبدو مرتبة وتفتح النفس.

رَقْش للتصميم، جميع الحقوق محفوظة 2024